泰國之旅DAY 5--四面佛-CENTRAL WORLD-曼谷高塔 --- 2009

最後一日行程了,我們食過早餐後,收拾所有行李便離開酒店....

第一站-----四面佛,小凱堯正在小睡片刻

港人熱點---CENTRAL WORLD,每個團友都趕緊去SHOPPING,但係我們郤去了兒童天地HAPPY,因為之前已買了手信,而且所有行李已PACK好的關係,媽咪不想大抽細抽咁樣上機,所以決定唔去大購物了

自費到曼谷高塔LUNCH BUFFET,一家四口約港元500連遊覽搭頂的費用,頗為划算....

雕刻鎖匙扣機,兩小姐妹未接觸過,所以覺得好特別

 

泰國DAY 4-蛇園--夢幻世界--人妖歌舞團

天早上的早餐好豐富，但係食咗咁多餐BUFFET，凱堯已經腹瀉兩次＋微燒，幸好食過退燒藥後已沒有大礙．．．．

A貨BELLE，查實好明顯－－－－－人妖美女

夢幻飄雪城

這裡好明顯是一個滑冰場而不是滑雪場，跟上一次韓國TIGER WORLD有好大分別，由於滑冰比滑雪”跣”好多，難以控制，所以最後嗲哋媽咪都不讓小凱堯玩玩，但我郤玩了四次．．．．．

動物表演，餵羊奶時間（又要比錢），幸好泰國物價指數低，否則，每樣都要比"錢”都幾"襟計"

趁凱堯未夠鐘瞓晏覺，嗱嗱聲去玩機動遊戲

湖上腳踏單車，接近下午五時，這個時候的凱堯最終也敵不過睡魔了

晚上，睇埋十年如一日的人妖歌舞團表演，今日行程到此為止了．．．．

第五日行程預告:CENTRAL WORLD－曼谷高塔LUNCH BUFFET

泰國DAY3暹邏大象園--SIAM PARAGON購物城-曼谷跳蚤市場 -- 2009

泰國行程第三天

食飽早餐後便出發到暹邏大象園---猴子表演--騎馬車--騎大象

之後出發到SIAM PARAGON SHOPPING MALL,我一向至討厭逛SHOPPING MALL,嗲吔媽咪形容每次帶著我逛SHOPPING MALL如”拖牛”一樣

唯有食過ICE-CREAM TEA歇一歇

晚上，再到曼谷跳蚤市場逛逛，今晚轉了另一間比較好的酒店．．．．

泰國之旅DAY2---珊瑚島--海邊BBQ BUFFET-信不信由你 --- 2009

媽咪篇:今日係第二日的行程,亦都是童童的正日生日,早上八時,我們食過早餐後便坐快艇出發到珊瑚島,嗲哋媽咪N年前到過這裡一次,今次跟兩個小朋友再次踏足這裡郤是另一種心情,由於今日是童童的生日,嗲哋決定我們一家下午先行"離團",跟童童切切蛋糕,食一頓特別的晚餐......

我今日好開心，由朝早到餐廳直到珊瑚島也不停被泰國人稱讚”水晶晶”（意思靚女咁解）

嗲哋的”冧女”技倆（媽咪：對我都未試過咁浪漫啊．．．．．）

水上電單車．．．．未被污染的海水（勁咸）

小凱堯都有份玩”香蕉船”，可惜途中一個大浪加一個急彎，我們一家四口同被”拋”落水，熟水性的我只自顧自游走，唔熟水性的媽咪只有緊緊抱住救生衣等待救援，小凱堯當然由嗲哋保護啦．．．．

最後，嗲哋仲提議我和凱堯去紮辮仔

小凱堯知道扮靚靚，乖乖坐定紮辮仔，但係時間緊迫，最後決定小凱堯紮咗十二條辮辮，我便紮齊整個頭，三十三條辮仔

下午返酒店後，我當然有驚喜啦，嗲哋媽咪一早已訂定小蛋糕跟我慶祝，爉燭也特意由香港帶來，往年的我總會開生日會吹特大蛋糕的，所以嗲哋媽咪無論如何也想方法給我買一個完整的蛋糕．．．．

食過蛋糕後，我們到酒店的泳池再游過，之後才回房間小睡片刻

今晚我們自費到海邊BBQ DINNER BUFFET（媽咪：相信童童對七歲的生日慶祝應該滿意吧)

之後我們再乘搭的士到芭提雅的景點＝＝信不信由你＋迷宮＋超驚嚇鬼屋＋4D影院

後記：嗲哋要求媽咪明天要停BLOG一天，所以第三天的行程要大家稍等，稍等．．第三天行程預告：大象園，騎馬車，騎大象，曼谷跳蚤市場